Donald Trump, fyrrum Bandaríkjaforseti, hefur valdið ruglingi og usla innan Repúblikanaflokksins og það líklega ekki í fyrsta né síðasta sinn.
Nýjasta dæmið er varðandi forkosningar flokksins til öldungadeildar Bandaríkjaþings í Missouri-fylki. Forkosningarnar fara fram í dag og eru taugarnar eðlilega þandar hjá frambjóðendum.
Í gær kom hins vegar yfirlýsing frá Trump þar sem hann tilkynnti opinberlega um að hann myndi styðja Eric í baráttunni. Slík stuðningsyfirlýsing frá fyrrum Bandaríkjaforseti skiptir Eric eðlilega miklu máli en gallinn er hins vegar sá að þrír frambjóðendur heita þessu ágæta nafni. Fyrrum ríkisstjórinn Eric Greitens, ríkissaksóknarinn Eric Schmitt og svo hinn óþekkti Eric McElroy.
„Það eru stórar kosningar framundan í Missouri. Ég treysti hinum frábæru íbúum Missouri vel til þess að gera upp hug sinn….Ég er því stoltur að lýsa því yfir að ERIC hefur algjöran og fullkominn stuðning minn,“ segir meðal annars í skriflegri yfirlýsingu Trump.
Þá segir hann ennfremur að Missouri-fylki þurfi að tefla fram MAGA (Make America Great Again)-stríðsmanni sem muni berjast fyrir öflugri landamæragæslu, öruggum kosningum, bandaríska hernum og fyrrum hermönnum.
Yfirlýsingin er afar almenn og því með öllu útilokað að átta sig á því við hvaða Eric er átt. Þegar fjölmiðlar höfðu samband við teymi Trump vegna yfirlýsingarinnar var svarið að yfirlýsingin talaði einfaldlega sínu máli.
Stutt er í kosningarnar og stuðningur Trump eðlilega mikilvægur innan flokksins og því stukku að minnsta kosti tveir Eric-ar til og fögnuðu stuðningnum. Athygli vekur að þeir, Greitens og Schmitt, hafa báðir sagst hafa hringt í Trump og þakkað fyrir stuðninginn.
Kjósendur og fjölmiðlar í Bandaríkjunum klóra sér í hausnum yfir yfirlýsingu Trump en þar sem líklegt er að einhver Eric beri sigur úr býtum þá er ljóst að forsetinn fyrrverandi mun geta sagt að hann hafi veðjað á réttan hest.
I’m honored to receive President Trump’s endorsement. From the beginning, I’ve been the true MAGA Champion fighting against the RINO establishment backing Schmitt.
President Trump said it best when he characterized Schmitt’s campaign as ‘great dishonesty in politics.’
— Eric Greitens (@EricGreitens) August 1, 2022
🚨ENDORSEMENT—PRESIDENT TRUMP🚨I’m grateful for President Trump’s endorsement. As the only America First candidate who has actually fought for election integrity, border security & against the Left’s indoctrination of our kids—I’ll take that fight to the Senate to SAVE AMERICA!
— Eric Schmitt (@Eric_Schmitt) August 1, 2022