En það gerir hún ekki, að minnsta kosti fæstir þeirra sem tilheyra þessari mögnuðu tegund sem ræður lögum og lofum hér á jörðinni. Að minnsta kosti er það mat Vipul Rustgi, læknis, að langflestir drekki vatn á rangan hátt.
Daily Star skýrir frá þessu. Eflaust spyrja sumir sig hvernig það geti verið að fólk drekki vatn á rangan hátt. Það sé nú varla svo flókið. En Rustgi segir að flestir geri ákveðin mistök þegar þeir drekka vatn og það geti valdið alvarlegum heilsufarsvandamálum.
Rustgi, sem starfar sem læknir á Indlandi, segir að það að drekka vatn standandi geti verið skaðlegt fyrir líkama okkar. Hann segir að þetta geti truflað meltingarkerfið mjög alvarlega.
Hann segir að þetta geti valdið því að matur detti beint ofan í neðsta hluta magans úr vélindanu.
Hann segir að taugarnar spennist þegar vatn er drukkið hratt á meðan staðið er. Það raski vökvajafnvæginu og valdi því að magn eiturefna í líkamanum aukist og að meltingarkerfið eigi erfitt með að starfa.
Hann segir að það að drekka vatn standandi geti einnig valdið gigt því taugarnar séu spenntar og það geti valdið ójafnvægi vökvans í líkamanum. Það geti valdið því að vökvi safnist upp í liðum og það geti valdið gigtarvandamálum og tjóni á liðum.
Þetta getur einnig haft neikvæð áhrif á súrefnismagnið í líkamanum og þannig haft áhrif á lungun, hjartað og fleiri líffæri.
