Norska ríkisútvarpið skýrir frá þessu. Fram kemur að þátttakendurnir muni nota gleraugu í tvær vikur þegar þeir nota almenningssamgöngufarartæki. Fólk í samanburðarhópi á ekki að nota gleraugu þegar það ferðast með almenningssamgöngutækjum.
Vísindamennirnir, sem standa að rannsókninni, hvetja fólk til að nota gleraugu á stöðum þar sem margt fólk er. „Það er óljóst hversu mikið kórónuveiran smitast í gegnum augun. En það er ýmislegt sem bendir til að fólk, sem notar gleraugu, smitist síður,“ er haft eftir Atle Fretheim, hjá norska landlæknisembættinu.
Vísindamennirnir vonast til að geta fengið 22.000 manns til að taka þátt í rannsókninni og að geta gert hana á næstunni, á meðan mikið er um smit.
