Samkvæmt nýju manntali á Írlandi eru Írar nú orðnir 5,01 milljón talsins og er þetta í fyrsta sinn síðan 1851 sem þeir eru svo margir. Þá var niðurstaða manntalsins að þeir væru 5,11 milljónir en talið er að ein milljón Íra hafi látist úr hungri á árunum eftir það og milljónir flúðu land.

Írska hagstofan tilkynnti niðurstöður nýja manntalsins á þriðjudaginn. Í tilkynningu frá henni segir að 1851 hafi 6,6 milljónir manna búið á Írlandi öllu en í dag séu íbúarnir 6,9 milljónir að Norður-Írum meðtöldum. Til samanburðar má nefna að í Wales búa 3,1 milljónir, 5,4 milljónir í Skotlandi og 56,2 milljónir á Englandi.