Fredrik Neumann, verjandi mannsins sem er grunaður um að hafa orðið að minnsta kosti 5 manns að bana í Kongsberg í Noregi í gærkvöldi, segir að maðurinn hafi verið samvinnuþýður í yfirheyrslu í nótt og hafi skýrt frá málsatvikum í smáatriðum.

Maðurinn var yfirheyrður í nótt og var Neumann viðstaddur. Hann segir að maðurinn hafi verið samvinnuþýður og hafi farið yfir atburðarásina. Neumann vildi ekki segja hvað afstöðu maðurinn hefur til kærunnar á hendur honum.

Hann gat heldur ekki svarað af hverju maðurinn myrti fólkið með boga og örvum.

Maðurinn er 37 ára danskur ríkisborgari. Hann á danska móður og norskan föður og ólst upp í Noregi.

Hann verður færður fyrir dómara í dag þar sem lögreglan mun krefjast gæsluvarðhalds yfir honum. Hann verður einnig yfirheyrður aftur í dag.