Heldur hefur hægt á gangi bólusetninga gegn kórónuveirunni í Þýskalandi og því þarf að breyta. Með nýjum aðgerðum á að fá fólk til að láta bólusetja sig að sögn Angela Merkel, kanslara. Frá og með 11. október verður ekki lengur ókeypis að fara í skimun vegna kórónuveirunnar. Þess utan verða gerðar auknar kröfur til óbólusettra um að framvísa neikvæðri niðurstöðu úr skimun.

Merkel tilkynnti þetta í gær eftir fund með leiðtogum sambandsríkjanna 16. Markmiðið með þessu er að fá fólk til að láta bólusetja sig en yfirvöld hafa miklar áhyggjur af stöðu mála vegna sóknar Deltaafbrigðisins.

Merkels sagðist vonast til að fleiri láti bólusetja sig að sumarleyfum loknum. Um 63% Þjóðverja hafa fengið minnst einn skammt af bóluefni og 55% hafa lokið bólusetningu.

Með nýju reglunum verður óbólusettu fólki gert að framvísa niðurstöðu neikvæðrar skimunar ef það vill komast inn á sjúkrahús, elliheimili, veitingastaði eða sækja opinbera viðburði.