Nágrannaerjur í Albertslund í Danmörku enduðu með hörmungum á miðvikudaginn. Þar deildu íbúar í sama húsinu og endaði það með að deilur þeirra færðust út á götu þar sem annar íbúinn stakk hinn til bana.

TV2 segir að mennirnir hafi búið í sama stigaganginum. Það var íbúi á efri hæð hússins sem stakk íbúa, í íbúðinni beint fyrir neðan, til bana. Fórnarlambið var flutt á gjörgæsludeild Ríkissjúkrahússins í Kaupmannahöfn en lést þar nokkrum klukkustundum síðar.

Árásarmaðurinn, sem er á þrítugsaldri, var handtekinn og hefur verið úrskurðaður í gæsluvarðhald. Morðvopnið er ófundið. Lögreglan hefur ekki skýrt frá um hvað mennirnir deildu.