Á síðustu hundrað árum hefur enginn forseti beðið svona lengi með að halda fréttamannafund eftir embættistöku sína. Þetta hefur verið gagnrýnt og hefur vakið undrun fréttamanna og pólitískra andstæðinga Biden.
Donald Trump hélt fréttamannafund 27 dögum eftir að hann tók við embætti. Barack Obama eftir 20 daga í embætti og George W. Bush eftir 33 daga. CNN skýrir frá þessu.
The Washington Post segir að 14. mars á fyrsta ári sínu í embætti hafi Donald Trump verið búinn að halda fimm fréttamannafundi og Barack Obama tvo.
Biden hefur svarað spurningum fréttamanna við ákveðin tækifæri þegar hann hefur ferðast eða komið fram af ákveðnu tilefni en ekki var um eiginlega fréttamannafundi að ræða.
Gagnrýnendur hans telja að starfsfólk Biden, sem sér um samskiptamál, hafi áhyggjur af hvernig hann muni takast á við fréttamannafundi þar sem hann veit ekki um hvað verður spurt og því forðist hann slíka fundi.
Psaki sagði að Biden hafi ekki sett fréttamannafundi í forgang því hann hafi unnið að því að fá þingið til að samþykkja björgunarpakka upp á 1.900 milljarða dollara. Hann hafi beint tíma sínum, orku og einbeitingu að því verkefni.
