Tólf ára piltur skaut á tvo grímuklædda innbrotsþjófa sem brutust inn á heimili ömmu hans í Goldsboro í Norður-Karólínu aðfaranótt sunnudags. Innbrotsþjófarnir höfðu krafið ömmuna, Linda Ellis 73 ára, um peninga og skutu hana. Lögreglan segir að pilturinn hafi þá skotið á þá í sjálfsvörn og hafi þeir þá flúið af vettvangi.

Þetta kemur fram í tilkynningu frá lögreglunni. Lögreglumenn fundu annan innbrotsþjófinn, Khalil Herring 19 ára, við gatnamót nærri heimili Ellis og var hann með skotsár. Bæði Herring og Ellis voru flutt á sjúkrahús. Þar lést Herring en Ellis er á batavegi.

Í tilkynningu lögreglunnar segir að niðurstöður frumrannsóknar bendi til að Herring hafi verið annar innbrotsþjófanna. Lögreglan segist ekki reikna með að pilturinn verði kærður. CNN skýrir frá þessu.