Donald Trump, Bandaríkjaforseti, fór til Lake Charles í Louisiana á laugardaginn til að skoða skemmdirnar eftir fellibylinn Laura og til að fá upplýsingar um hamfarirnar og viðbrögð yfirvalda. Hann hitti fjölda fólks í ferðinni og gaf sér tíma til að gefa nokkrum eiginhandaráritanir og sagði þeim um leið að þeir gætu selt þær á Ebay fyrir 10.000 dollara.

Samkvæmt frétt Sky þá fékk Trump sér sæti við borð og kallaði á hóp fólks: „Komið hingað, komið hingað. Ég vil fá smá völd.“

Hann rétti síðan embættismanni blað með eiginhandaráritun sinni og sagði: „Seldu þetta á eBay í kvöld, þú færð 10.000 dollara.“

Öðrum sagði hann að hann hefði ekki skrifað nafn hans á blaðið og það af ásettu ráði, því það væri meira virði án þess.

Á eBay er hægt að finna muni með eiginhandaráritun Trump og seljast sumir þeirra á nokkur þúsund dollara.