CNN skýrir frá þessu. Pfizer tilkynnti á mánudaginn að niðurstöður prófana á bóluefninu lofi góðu og að það virki í rúmlega 90% tilfella. Reiknað er með að fyrirtækið sæki um leyfi til notkunar bóluefnisins nú þegar í nóvember.
En það er ekki þannig að bandarísku embættismennirnir séu ósáttir við að bóluefni sé komið fram og vilji ekki dreifa því, þvert á móti. En það sem þeim hrýs hugur við er að meðferð og geymsla bóluefnisins er allt annað en einföld. Það verður að geyma það við -75 gráður sem er rúmlega 50 gráðum kaldara en við geymslu nokkurs annars bóluefnis sem er í notkun í Bandaríkjunum. Þetta er miklu meira frost en er hægt að ná í frystum á heilsugæslustöðvum, apótekum og víðar.
Molly Howell, sem stýrir ónæmis- og bólusetningaráætlun Norður-Dakota segir að hún hafi verið ofurliði borinn og smeyk þegar hún tók þátt í netfundi í október þar sem rætt var um hvernig á að dreifa bóluefninu frá Pfizer.
„Hvernig gerum við þetta?“ spurði hún starfsfélaga sinn sem einnig tók þátt í fundinum. Hann svaraði með því að senda henni tjámynd af höfði sem springur.
Pfizer mun bjóða upp á kælitöskur á stærð við ferðatöskur til að geyma bóluefnið í. Þetta er þó aðeins bráðabirgðalausn og það þarf að skipta um ís í töskunum á fimm daga fresti.
„Það væri erfitt að halda andlitinu og segja: „Ókei, við erum tilbúin,““ sagði Christine Finley sem stýrir ónæmis- og bólusetningaráætlun Vermont og bætti við: „Þetta er jafngildir áskorun sem við höfum aldrei áður tekist á við.“
