Lík Morta fannst nærri Stillhouse Lake þann 17. júlí. Dánarorsök liggur ekki enn fyrir en ekki er hægt að útiloka að hann hafi verið myrtur. Yfirmaður hans, Neil Amstrong, sagði að sögn Bild, að Morta hafi verið mikilvægur hlekkur í félagsskapnum í herstöðinni og verði sárt saknað. Félagar hans séu í sárum vegna dauða hans.
Það mál, tengt herstöðinni, sem hefur vakið mesta athygli kom upp í byrjun júlí þegar líkamsleifar Vanessa Guillen fundust nærri herstöðinni. Hennar hafði verið saknað síðan 22. apríl. CBS News hefur eftir ættingjum hennar að hún hafi verið beitt kynferðislegu ofbeldi af leiðbeinanda sínum en hafi ekki tilkynnt það til yfirmanna herstöðvarinnar.
„Hún hræddist að tilkynna þetta því það var leiðbeinandi sem stóð á bak við þetta kynferðislega ofbeldi. Hún óttaðist hefnd.“
Sagði Nathalie Khawam lögmaður fjölskyldu Guillen.
Þegar þessar ásakanir voru gerðar opinberar sneru lögreglumenn sér að meintum ofbeldismanni, Aaron David Robinson, og hugðust handtaka hann. Hann dró þá upp skammbyssu og fyrirfór sér.
En önnur andlát, tengd herstöðinni, sem eru óupplýst eru:
Andlát Freddy Beningo Delacruz sem fannst látinn í mars. Andlát hans er rannsakað sem morð.
Andlát Shelby Tyler Jones sem var skotinn til bana í mars. Lík hans fannst ekki fjarri herstöðinni. Morðinginn hefur ekki náðst.
Andlát Christopher Wayne Sawyer sem fannst látinn í mars þar sem hann átti að standa varðstöðu. Ekkert hefur komið fram sem bendir til að hann hafi verið myrtur.
Andlát Brandon Scott Rosencrans sem fannst látinn í Harker Heights, sem er nærri herstöðinni, í maí. Málið er rannsakað sem morð.
