Þetta segir Irja Piippo, sem er nú 33 ára, um uppvöxtinn í samfélagi Votta Jehóva. Hún fékk einnig að heyra að það væri sök kvenna ef þær yrðu fyrir kynferðislegri áreitni. Þetta kemur fram í umfjöllun Sænska ríkisútvarpsins.
Þegar Irja komst á unglingsaldur byrjaði hún að stunda skemmtanalífið og hitta vini sína sem voru ekki í söfnuði Votta Jehóva. Eftir tímabil með miklu skemmtanalífi var samviskan orðin slæm og ákvað hún að ræða málin við söfnuðinn.
„Mér fannst ég hafa þörf fyrir að bæta líf mitt eftir tímabil þar sem ég hafði verið að skemmta mér og stunda kynlíf utan hjónabands. Ég vildi játa syndir mínar og var kölluð á fund.“
Á fundinum voru auk hennar sex eldri menn.
„Fyrst þarf maður að segja hvað maður hefur gert og síðan á maður að skýra frá því í smáatriðum. Það er mjög ógeðfellt að segja frá þessu en greinilega vilja þeir vita hvaða stellingar voru notaðar, hversu oft maður hefur stundað kynlíf og með hverjum. Eins og yfirheyrsla.“
Segir Irja og að það sé erfitt fyrir ungar konur í söfnuði Votta Jehóva að segja frá því ef þær verða fyrir kynferðislegri áreitni.
„Þú verður stöðugt að hugsa um kynferði þitt og skammast þín. Ef þú lendir í einhverju og snýrð þér til foreldra, til dæmis, þá færðu að heyra að þetta sé þín sök.“
Segir Irja sem sagði skilið við söfnuðinn þegar hún var tvítug.
