Á fréttamannafundi ríkislögreglustjórans á Nýja-Sjálandi, Mike Bush, fyrir stundu sagði hann að 49 væru nú látnir eftir árásirnar á moskurnar tvær í Christchuch fyrr í dag. 20 til viðbótar eru alvarlega særðir.

Hann sagði að karlmaður á þrítugsaldri verði færður fyrir dómar á næstu klukkustundum þar sem gæsluvarðhalds verður krafist yfir honum vegna gruns um að hann hafi myrt fólkið.

Hann sagði að einn hinna handteknu, fernt var handtekið eftir árásirnar, sé ekki tengdur málinu en hafi verið nærri vettvangi og með vopn þegar hann var handtekinn. Verið sé að rannsaka hvort hin tvö tengist árásunum en bæði hafi verið með vopn.

Hann sagði ljóst að um vel skipulagða árás hafi verið að ræða.