Þann 6. ágúst 2012 klukkan 05.31 að íslenskum tíma lenti Marsbíllinn Curiosity í gíg á Mars eftir langt ferðalag. Allt frá þessari stundu hefur Curiosity sent þúsundir mynda frá Rauðu plánetunni til jarðar og gert ótal rannsóknir á jarðvegi og klettum.

Bíllinn fer ekki hratt yfir enda liggur ekkert á. Nýlega sendi hann nokkrar myndir heim til jarðar og má segja að þær séu svolítið dökkar. Í forgrunni myndarinnar, sem er hér fyrir neðan, er horft út yfir sjóndeildarhringinn. Í forgrunni er hæðarhryggur sem teygir sig eftir Mount Sharp. Í bakgrunni sést í barma risagígsins Gale Crater sem myndaðist fyrir milljörðum ára þegar risastór loftsteinn lenti í árekstri við Mars.

Curiosity er nú að rannsaka gíginn.