Fasteignafélagið Engparken Risskov í Árósum í Danmörku á í erfiðleikum með að leigja út íbúðir í splunkunýjum fjölbýlishúsum í Engparken Risskov. Þar eru tveggja, þriggja og fjögurra herbergja íbúðir í boði. Verst gengur að leigja fjögurra herbergja íbúðirnar út. Til að reyna að hressa upp á áhugann ætlar fyrirtækið nú að bjóða væntanlegum leigjendum að búa frítt fyrstu þrjá mánuðina.

Lokalavisen Aarhus skýrir frá þessu. Haft er eftir Betina Dalskov, framkvæmdastjóra félagsins, að með þessu verði ungu fólki, sem á engan sparnað, auðveldað að leigja íbúðirnar. Einnig geti þetta komið sér vel fyrir fólk sem ætlar að selja hús sín.

Íbúðirnar voru tilbúnar í byrjun sumars. Fjögurra herbergja íbúðirnar eru leigðar á 11.000 til 13.700 danskar krónur á mánuði svo það bíða leigjenda talsverð útgjöld þegar ókeypis mánuðirnir taka enda.