Það lítur þó ekki út fyrir að hinn nýju ríkisstjórn takist að ná fram betri samning.
„Ég er mjög vonsvikinn yfir því að það lítur nú út fyrir að ESB neiti að semja við Bretland“, segir ráðherran Michael Gove, sem hefur fengið að verkefni að undirbúa landið fyrir útgöngu úr ESB án samnings. Hann sagði þetta eftir að bæði ESB og írski forsætisráðherrann Leo Varadkar, hafa sagt að það verði ekki hægt að semja um brexit án hins svokallaða „backstop“.
Backstop-samningurinn er pólitískt öryggisnet, sem á að tryggja að landamærin á milli Norður-Írlands og ESB landsins Írlands haldist opin, ef Bretlandi og ESB tekst ekki að semja um fríverslunarsamning eftir brexit.
Ríkisstjórn Boris Johnson hefur þó neitað að samþykkja samning sem inniheldur þessa óvinsælu ráðstöfun.
Verði samningslaust brexit að veruleika, ógildast margir samningar á einu augnabliki, frjálsar ferðir fólks og vöruflæði er þar á meðal. Margir óttast að þetta muni leiða til algjörrar ringulreiðar við breskar hafnir.
Á síðasta ári sýndi rannsókn frá Imperial College í London til dæmis fram á það að á háannatíma geti myndast allt að 43 kílómetra langar raðir ef allir flutningabílar fara í gegnum fjögurra mínútna landamæraeftirlit.
Þessar fréttir hafa orðið til þess að fjölmörg fyrirtæki og einkaaðilar undirbúa sig nú undir algjöra ringulreið á miðnætti þann 31. október.
Meðal þeirra er veitingastaðakeðjan Domino’s, sem hefur, samkvæmt The Guardian, hamstrað hráefni frá löndum innan ESB, þar á meðal tómatsósu sem flutt er inn frá Portúgal, fyrir sem svarar til rúmlega milljarðs íslenskra króna.
Verði af því að Bretland yfirgefi ESB án samnings getur það haft áhrif á hráefnisinnflutning til Bretlands, segir í tilkynningu frá Domino’s. Auk þess hefur gengi pundsins lækkað að undanförnu, og gæti haldið áfram að lækka, sem mun gera innflutning dýrari.
