Glæpasögur slá stundum í gegn og eiga sér marga aðdáendur. Oft gerast þær í samtímanum eða ekki svo fjarri honum. En 33.000 ára gömul morðgáta er svona í eldri kantinum. En slíka morðgátu hafa réttarmeinafræðingar nýlega leyst að hluta. Þeir hafa sýnt fram á að um morð var að ræða. En líklegast verður aldrei hægt að komast að hver myrti viðkomandi þar sem málið er orðið ansi gamalt.

Árið 1941 fannst eldgömul hauskúpa í helli í Rúmeníu. Ný rannsókn á henni hefur leitt í ljós að viðkomandi var myrtur. Hauskúpan, sem nefnist Cioclovina hauskúpan, er fræg meðal fræðimanna því ekki eru til margar hauskúpur eldri en 30.000 ára. Tvær sprungur eru í hauskúpunni og hafa vísindamenn lengi velt fyrir sér hvað hafi valdið þeim.

Nú telja vísindamenn sig hafa fundið út úr hvað kom fyrir. Með því að taka sneiðmyndir og nota þrívíddarmódel var hægt að rannsaka höfuðkúpan á algjörlega nýjan hátt. Niðurstaðan er að sprungurnar séu af eftir högg með hörðum hlut. Það virðist því sem viðkomandi hafi verið myrtur.

Í grein í New Scientist segir einn höfunda rannsóknarinnar að líklegast hafi fórnarlambið staðið augliti til auglitis við árásarmanninn þegar fyrra höggið reið af. Þegar síðara höggið reið af hafi fórnarlambið legið á jörðinni eða verið á hnjánum.