Patrick Shanahan, starfandi varnarmálaráðherra, sagði að liðsflutningarnir væru tilraun til að „auka öryggi bandarískra hagsmuna“ á svæðinu.
Spennan á milli Bandaríkjanna og Írans hefur farið stigvaxandi að undanförnu. Bandaríkin hafa sakað Írana um að hafa staðið á bak við árásir á olíuflutningskip en Íranar þvertaka fyrir að hafa komið þar nærri.
Í gær birti Pentagon einnig myndir sem sýna að sögn íranska hermenn reyna að fjarlægja ósprungna sprengju af japönsku olíuflutningaskipi.
Bandaríkin hafa eflt viðbúnað sinn í Miðausturlöndum í kjölfar þess að Donald Trump, forseti, ákvað að draga Bandaríkin út úr alþjóðlegum samningi um kjarnorkumálefni Írans frá 2015. Nú þegar er búið að bæta um 10.000 hermönnum við liðsafla Bandaríkjanna í heimshlutanum, flugmóðurskipadeild var nýlega send þangað og fjöldi B52 sprengjuflugvéla.
Aukinn viðbúnaður Bandaríkjanna á að senda Írönum sterk skilaboð og róa bandamenn Bandaríkjanna í heimshlutanum.