Um jólin bauð Jake Thomas Patterson, 21 árs, fjölskyldu sinni í jólaboð heim til sín. Fjölskyldan mætti alveg grunlaus um að Patterson hafði um miðjan október myrt James og Denise Closs og numið 13 ára dóttur þeirra, Jayme, á brott. Á meðan fjölskyldan var heima hjá honum lét hann Jayme hírast undir rúmi. Hann hafði hótað henni að „hræðilegir hlutir“ myndu gerast ef hún gerði vart við sig.

Milwaukee Journal Sentinel skýrði frá því í gær að Patterson hafi haldið jólaboð fyrir fjölskyldu sína og látið Jayme hírast undir rúmi eins og flestum stundum. Lögreglan í Barron sýslu, þar sem Jayme átti heima, hefur ekki staðfest þetta en blaðið hefur þetta eftir tveimur ótengdum heimildarmönnum innan lögreglunnar. Blaðið segir að gestirnir hafi ekki vitað af veru Jayme í húsinu.

Jayme hefur sagt lögreglunni að faðir Patterson hafi oft komið í húsið á meðan hún var þar í haldi en hún náði að strjúka eftir 88 daga í haldi Patterson. Hann var síðan handtekinn í framhaldinu.