Mikil flóð munu skella á stórum hluta Bandaríkjanna 2030 og munu Kalifornía og Flórída meðal annars fara á kaf og verða það um ókomna framtíð. Þessu heldur ´Noah´ fram en hann segist vera tímaferðalangur.

Fjallað er um hann og rætt við hann á YouTube-rásinni ApexTV sem er rás samsæriskenninga og því rétt að treysta ekki um of á áreiðanleika hennar.

Í umfjöllun ApexTV segir Noah að flóðin séu afleiðing loftslagsbreytinga.

„Ég er ekki að grínast. Þetta er engin risalygi – Ég er raunverulega tímaferðalangur. Ég er með sannanir fyrir þessu.“

Sönnunin sem hann telur sig hafa fyrir þessu er landakort af Bandaríkjunum en hann segir kortið sýna hvernig Bandaríkin muni líta út 2030 og eru Kalifornía og Flórída alveg undir vatni.

Þessi meinti tímaferðalangur hvetur síðan íbúa við sjávarsíðuna til að búa sig undir hið versta þar sem yfirborð sjávar muni hækka vegna bráðnunar jökla.

„Fólk heldur að hnattræn hlýnun sé ekki að eiga sér stað – en hún er að eiga sér stað. Það er ekki hægt að stöðva hana – þetta gerist.“