Síðustu vikur hafa verið mjög erfiðar fyrir Camilla Haak. Þann níunda nóvember var dóttir hennar Helena jarðsett en hún lést aðeins 28 ára að aldri. Fyrir nokkrum dögum síðan, í miðju sorgarferlinu, gerðist síðan svolítið sem hafði mikil áhrif á Camilla.

Helena var mjög áhugasöm um listir og upprunaleg verk og af þeim sökum ákvað Camilla að kaupa grafskreytingu, sem væri alveg einstök, og leggja á gröf Helena þegar hún var jarðsett. En skömmu síða var skreytingunni stolið.

TV2 hefur eftir henni að henni hafi brugðið illa við þetta. Hún hafi verið niðurbrotin af sorg og svo hafi þetta bæst við. Hún hafi varla getið sofið né borðað. Hún sagði að sjónin sem mætti henni þegar hún kom að gröfinni hafi verið sú furðulegasta sem hún hefur séð á lífsleiðinni.

Hún birti færslu á Facebook um málið því þegar hún setti sig í samband við lögregluna var henni sagt að lögreglan gæti ekki sett málið í forgang. Skömmu eftir að hún birti færslu sína komu skilaboð frá vinum og kunningjum. Þeir höfðu sé myndir af skreytingu, sem líktist umræddru skreytingu, á Instagram og fylgdi sögunni að hún hefði verið notuð í sængurgjafarveislu. Eini munurinn var að skreytingin á Instragram myndunum var skreytt með bláum borða. Þar sem skreytingin var alveg einstök lá strax ljóst fyrir að hér var um sömu skreytingu að ræða.

Camilla fékk þá skýringu hjá skipuleggjanda sængurgjafarveislunnar að hún hefði fengið skreytinguna að gjöf. Camilla sótti hana og setti aftur á leiðið og er málinu þar með lokið að hennar hálfu.