„Við sigldum meðfram fjallshamri og sáum þá nokkrar rauðar línur sem höfðu runnið niður hamarinn. Sumar þeirra virtust liggja í vitlausa átt svo ég tók nokkrar myndir.“
Sagði Thallaug nýlega í samtali við Norska ríkisútvarpið. Fjölskyldan hélt síðan för sinni áfram og kom að lokum heim. En þá hafði Thallaug alveg gleymt rauðu línunum á fjallshamrinum.
Það var síðan nýlega að hann var að skoða myndir úr ferðinni að hann rak augun í myndirnar sem hann tók af rauðu línunum. Hann sendi myndirnar þá til fornleifafræðinga til að fá svar við hvað þetta væri.
Fornleifafræðingarnir ráku upp stór augu og fóru strax á staðinn til að skoða þetta betur. Niðurstaða þeirra er að þarna er um ekta hellamálverk að ræða. Málverkin sýna manneskju, fimm elgi og björn og voru líklegast máluð fyrir 4.000 til 6.000 árum.
„Þetta er nánast eins og að fá bréf frá steinöld. Hér kemst maður í snertingu við hlutina sem þeir hugsuðu um, andlega og trúarlega.“
Hefur Norska ríkisútvarpið eftir Mildrid Eide fornleifafræðingi.
Málningin er gerð úr leir sem var þurrkaður, mulinn og síðan hefur blóði eða dýrafitu verið blandað saman við hann. Hún er greinilega endingargóð en 4.000 til 6.000 ára ending er ekki slæm.
Áður var vitað um 20 hellamálverk í Noregi en þau eru öll á svæðum nærri sjó en þetta málverk er langt inn til landsins. Þetta er því mikil fengur fyrir söguna. Jan Magne Gjerde, hjá UiT háskólanu, segir að þetta sé einstakur fundur, svo mikilvægur sé hann.