Sylvester Zottola, 71 árs meðlimur í Bonanno-mafíufjölskyldunni, var skotinn til bana þegar hann var í bílalúgu á McDonalds-stað í Bronx-hverfinu í New York-borg í gærkvöldi. New York Post greinir frá þessu.

Zottola hefur fengið margvíslegar hótanir síðustu mánuði. Sonur hans, Salvatore Zottola, var skotinn fyrir utan heimili sitt í sumar. Salvatore var alls ekki samvinnuþýður við lögregluna og var því enginn handtekinn vegna árásarinnar, heimildir innan lögreglunnar herma að árásin hafi verið gerð til að vera föður hans við.

Zottola hefur þurft að þola ýmislegt síðasta ár, um jólin mætti hann innbrotsþjófum á heimili sínu sem stungu hann lífshættulega. Hann var einnig barinn í höfuðið þegar hann gekk úti á götu í fyrra.

í gær var hann svo búinn að panta sér miðstærð af kaffi á McDonalds og var að bíða eftir að fá það afhent þegar óþekktur byssumaður skaut hann til bana. Enginn hefur enn verið handtekinn.