Hundurinn hélt áfram að stækka næstu tvö árin en þegar hann byrjaði skyndilega að ganga uppréttur á afturfótunum runnu tvær grímur á Yun. Hún hafði ekki keypt tíbeskan mastiff heldur asískan björn, Himalayabjörn. The Independent segir frá þessu.
Fullvaxinn tíbeskur mastiff vegur um 80 kíló og er 70 cm á hæð. Asískur björn verður hins vegar um 1 metri á hæð og getur vegið allt að 200 kíló.
í samtali við kínverska fjölmiðla sagði Yun að eftir því sem dýrið stækkaði hafi það farið að líkjast birni meira og það sem verra er, hún er hrædd við birni.
Þá var björninn dýr á fóðrum en hann innbyrti einn kassa af ávöxtum daglega og tvær fötur af núðlum.
Að lokum leitaði Yun til dýraathvarfs og starfsmanna þar sem gátu strax sagt henni að hundurinn væri ekki hundur heldur björn. Starfsmennirnir urðu hræddir við björnin og neyddust því til að svæfa hann áður en hann var fluttur í ný heimkynni. Himalayabirnir lifa víða í Asíu en þeir eru taldir í útrýmingarhættu. Frekar auðvelt er að temja þá og víða eru þeir hafði sem gæludýr eða sýndir í fjölleikahúsum.