Þessi uppskrift kemur upprunalega frá Sverri Bollasyni verkfræðingi og eldhússéníi. Uppskriftin hefur verið margreynd af blaðamanni sjálfum og er líklega einfaldasta útgáfan af sósunni vinsælu sem til er. Hún hefur aldrei klikkað og jafnvel verstu kokkar geta með þessu móti boðið upp á fullkominn „Benna“. Enginn eggjaskilnaðarkvíði hér!
4 eggjarauður
400 g smjör
4 tsk. béarnaise essens
1 lúka estragon – helst ferskt
Setjið allt sósuhráefnið nema estragonið í vatnsheldan „souse-vide“ poka og ofan í 62°C heitt vatn með souse vide-tæki.
Látið malla í 20-30 mínútur. Hita-stigið ætti að vera á bilinu 58-62°C en alls ekki hærra en 65°C.
Þegar tímanum er lokið er innihaldinu hellt í skál, töfrasproti notaður til að þeyta innihaldið upp í silkimjúka og fallega sósu. Bætið við lúku af söxuðu estragoni og þeytið aftur í 2 sekúndur – bara til að blanda.
Gjörið þið svo vel – stresslaus béarnisesósa!