Kasjúhnetur eru orkumiklar og næringaríkar. Það er hægt að gera helling með kasjúhnetur. Borða þær hráar, búa til kasjúhnetumjólk, gera alls konar sósur eða ost!

Sjá einnig: Gerðu þína eigin plöntumjólk – Sex skotheldar uppskriftir

Hér er skotheld uppskrift að kasjúhnetuost frá The Full Helping sem klikkar ekki.

Hráefni

1 bolli hráar ósaltaðar kasjúhnetur sem hafa legið í bleyti í allavega tvo tíma (eða yfir nóttu)

2 msk næringager

2 msk sítrónusafi

¼-¾ tsk hvítlauksduft (fer eftir hversu mikið hvítlauksbragð þú vilt)

½ tsk salt (meira ef þarf)

¼ tsk pipar

¼ bolli vatn (meira ef þarf)

Aðferð

1. Settu kasjúhneturnar, næringagerið, sítrónusafann, hvítlauksduftið, saltið og piparinn í matvinnsluvél.
2. Púlsaðu þar til kasjúhneturnar brotna og verða að grófri og blautri blöndu.
3. Notaðu sleif til að skrapa hliðarnar á matvinnsluvélinni og kveiktu aftur á matvinnsluvélinni.
4. Meðan matvinnsluvélin er í gangi helltu vatninu rólega í um tíu sekúndur. Stoppaðu og skrapaðu aftur hliðarnar með sleif.
5. Kveiktu á vélinni og hafðu í gangi í 1-2 mínútur. Þar til kasjúhnetuosturinn er mjúkur og þykkur. Bættu við matskeið af vatni ef þarf. Áferðin ætti að minna á hummus.
6. Smakkaðu kasjúhnetuostinn og bættu við sítrónusafa, salt eða pipar ef þarf. Þú getur líka bætt við kryddjurtum.

Kasjúhnetuosturinn geymist í lofþéttu lokuðu íláti í ísskáp í allt að sex daga.