Food and Fun matarhátíðin verður nú loksins haldin dagana 1.til 4. mars eftir 3 ára hlé vegna heimsfaraldurins og því mikil tilhlökkun hjá veitingafólki á Íslandi segir Sindri Guðbrandur Sigurðsson yfirkokkur Héðins Kitchen & Bar. Sindri segir að á matarhátíðinni Food & Fun í ár verði sérstaklega gaman að taka á móti gestakokkunum en gestakokkur Héðins er breski matreiðslumaðurinn Matthew North sem kemur frá Michelin Stjörnustaðnum Hyde í Osló.

„Við Matthew erum búnir að vera í góðu samtali með matseðilinn undanfarna daga og Matthew hlakkar mikið til að koma til Íslands og standa vaktina með okkur á meðan Food & Fun stendur yfir, “ segir Sindri.

Fyrsta Michelin stjarnan 2022

Hyde fékk sína fyrstu Michelin stjörnu árið 2022 og er Matthew þekktur fyrir að nota gæðahráefni og vinnur mikið með norskt sjávarfang. Það var mjög gaman að vinna þetta með honum og útkoman er 5 rétta stórfenglegur matseðill þar sem íslenskt sjávarfang og íslenska lambið fá að vera í forgrunni og njóta sín með áherslum Matthew á bragðsterka rétti.

Matthew sem er frá Bretlandi og hefur alla tíð heillast að indverskri matargerð en sú matargerð er mjög þekkt í Bretlandi. Einkennandi fyrir hans rétti er að nota bragðsterk krydd. Matthew notar Indversk krydd og þá sérstaklega formöluð krydd frá grunni þannig að réttirnir verða ómótstæðilegir. Galdrar Matthew er að nota örfá gæða hráefni fyrir hvern disk og tekst honum þannig að búa til harmoniska bragðmikla rétti sem láta mann langa í meira með hverjum bita. Hans matreiðslustíll byggir á nokkrum matargerðum og felur í sér mikið af kryddi, salti, fitu og umami sem nær góðu jafnvægi á milli grænmetis, kjöts og sjávarfangs.

„Þetta verður veisla,“ segir Sindri að lokum og hvetur fólk til að bóka borð tímanlega sem er hægt á dineout síðu Héðins