Ormsson stóð fyrir Íslandsmóti í brauðtertugerð í tilefni 100 ára afmælis Ormsson í gær laugardag. Keppendur mættu með terturnar í Ormsson klukkan 10.00 í gærmorgun þar sem dómnefndin tók þær út. Dómnefndina skipuðu Margrét Sigfúsdóttir fyrrum skólastýra Hússtjórnarskólans í Reykjavík, Kristján Kristjánsson vörustjóri AEG og Þóra Stefánsdóttir brauðtertuunnandi frá HTH innréttingum. Keppt var í þremur flokkum; fallegasta, frumlegasta og bragðbesta brauðtertan og vegleg verðlaun voru veitt í hverjum flokki. Mikið var um dýrðir í brauðtertugerðinni og löngun hjá mörgum að fá að njóta þeirra allra.
Þessar þrjár unnun til verðlauna í gær eftirfarandi flokkum:
Bragðbesta brauðtertan að mati dómnefndar var brauðtertan hennar Guðrúnar Sigríðar Matthíasdóttur sem ávallt er kölluð Gunna Sigga. Vann hún 100.000,- inneign í Ormsson fyrir Bragðbestu brauðtertuna. Sértaða bragðbestu brauðtertunnar var valið á hráefninu en það var allt saman frá Vestfjörðum, meira segja sítrónurnar eru ræktaðar þar.
Fallegasta brauðtertan að mati dómnefndar var brauðtertan hans Þrastar Sigurðssonar. Þröstur vann 50.000,- inneign í Ormsson.
Frumlegasta brauðtertan að mati dómnefndar var brauðtertan hennar Söru Mist Sverrisdóttur og vann Sara Mist 25.000,- inneign í Ormsson. Þessi í formi brauðristar, SMEG, mjög frumleg útfærsla á brauðtertu.
Gunna Sigga ákvað að skrá sig í keppnina á föstudagsmorgun með sólarhrings fyrirvara. Hún keyrði frá Ísafirði á föstudaginn og kom í bæinn um klukkan 22.00 kvöldið fyrir keppnina. Kláraði Gunna Sigga þá að setja saman tertuna um miðnætti. Hún skilaði síðan tertunni í Ormsson um klukkan 10.00 á laugardagsmorgun og fór svo í sund til að róa sig eftir stressið. Þetta var allt fyrirhafnarinnar virði þar sem hún stóð síðan uppi sem sigurvegari keppninnar.
Vert er að geta þess að allt hráefnið í tertunni er frá Vestfjörðum. Allt grænmetið er ræktað í Önundarfirði, sítrónurnar eru einu sítrónurnar sem ræktaðar eru hér á landi og rækjurnar frá Kampa á Ísafirði.
Uppfært: Áður var sagt að keppnin hafi verið haldin í samstarfi við Brauðtertufélag Erlu og Erlu en það er ekki rétt.
