Það er tilvalið að bjóða þínum nánustu í páskabröns og njóta þess að eiga góð stund saman. Ekki er verra að grípa í spil, fela marglit páskaegg í garðinum eða búa til heimagert bingó eftir matinn.
250 g smjör
3,5 dl sykur
2 dl kakó
4 tsk. vanillusykur
4 egg
3 dl hveiti
1 poki lítil páskaegg til skreytingar
Stillið ofninn á 180 gráður við undir- og yfirhita.
Smjörið er brætt í potti og látið kólna aftur þar til það er fingurvolgt.
Sykri, kakó, vanillusykri og eggjum er bætt út í pottinn og hrært saman við smjörið.
Loks er hveiti sigtað saman við og hrært vel í blöndunni.
Smyrjið form og hellið deiginu í. Bakað við 180 gráður í um það bil 18 mínútur.
Takið þá formið út og stingið nokkrum litlum súkkulaðieggjum ofan í yfirborð kökunnar og bakið í aðrar 2-4 mínútur.
Kakan á að vera dálítið blaut þegar hún er tekin út og er látin kólna í forminu.