Ostakaka í hollari kantinum hljómar vel þegar mann langar í eftirrétt á virkum degi!
100g granóla ( ég nota sykurlaust granóla frá Náttúrulega gott)
1 msk. kókosolía
250 g rjómi
200 g rjómaostur
200 g skyr frá Örnu með súkkulaði- og lakkrísbragði
2 msk. flórsykur
Brómber
Byrjið á að hita granóla á pönnu upp úr kókosolíu, setjið smá granóla í botninn á fjórum skálum.
Þeytið rjómann létt, blandið rjómaostinum saman við ásamt skyrinu. Sigtið flórsykur saman við rjómablönduna og hrærið öllu vel saman, leggið rjómablönduna yfir granólablöndurnar í skálunum.
Skreytið með granóla og brómberjum.Setjið í kæli í um 2-3 klst. áður en borið er fram, einnig má frysta, en þá er gott að taka ostakökurnar út úr frysti um klukkustund áður en þær eru borðaðar.