Una í eldhúsinu sýnir okkur hvernig hægt er að töfra fram dásamlegar pönnukökur sem eru líka í hollari kantinum. Hún býður líka upp á hollar og litríkar skálar sem eru stútfullar af næringu. Ekkert samviskubit þessa helgina!
Þessi uppskrift dugar í um 6 stórar pönnukökur.
2 stk. bananar (stappaðir)
1 dl haframjöl
¾ dl hveiti
½ tsk. salt
1 tsk. lyftiduft
½ tsk. kanill
1 dl mjólk eða Létt AB mjólk
Blandið öllu saman, passið að stappa bananana vel og steikið svo á pönnu upp úr góðri olíu. Mér finnst
best að steikja þær upp úr kókosolíu.
Bæði er gott að setja smjör og ost á pönnukökurnar, ber og síróp eða jafnvel Nutella og banana saman, það er eitt uppáhaldið á mínu heimili svona um helgar.
LITRÍK OFURFÆÐA Í SKÁLUM
Græn skál
1 stk. banani
2 stk. avókadó (mér finnst best að kaupa þau frosin)
1 dl kókosvatn
2 msk. hnetusmjör
5-10 stk. ísmolar
Bleik skál
1 stk. banani
1 dl frosin ber
½ dl mangó
1 dl kókosvatn
Handfylli spínat
5-10 stk. ísmolar
Blandið saman í mixer og hellið í skál, skreytið svo að vild. Mér finnst frábært að nota alls konar falleg ber og ávexti, chiafræ, kókosflögur, haframjöl og svo jafnvel möndlur og hnetur.