Bolludagurinn nálgast og margir hafa spurt mig um uppskrift að ketó-bollum. Þessi er gömul og góð frá mömmu, uppfærð í ketóbúning.
Hráefni:
100 g smjör
1 bolli vatn
1 bolli fínt möndlumjöl
1 tsk. lyftiduft
2 tsk. xanthan gum
1/2 tsk. salt (má sleppa)
3 egg
Aðferð:
Setja smjör og vatn í pott og hita að suðu þar til allt er bráðnað. Blanda þurrefnum saman. Lækka undir pottinum og blanda þurrefnum út í og hræra þar til blandan skilur sig frá hliðunum. Færa yfir í hrærivél og leyfa grautnum að kólna í 10 mínútur. Eitt egg hrært út í í einu og leyft að blandast vel við. Ofninn hitaður í 225°C. Deiginu skúbbað í sprautupoka og leyft að kólna aðrar 10 mínútur. Deiginu sprautað listavel á bökunarplötu, ég náði 16 litlum bollum. Bakað í 20 mínútur og alls ekki opna ofninn.
Svo er gott að leyfa bollunum að kólna í ofninum með smá rifu til að þær stífni og haldi formi.
Gleðilegan bolludag allir saman!
Ég er með gjafaleik á Instagram þar sem þú getur unnið sykurlaust súkkulaði sem er tilvalið í bollugerð. Smelltu á færsluna hér að neðan.
View this post on Instagram