fbpx
Fimmtudagur 21.október 2021
Matur

Þetta borðar Margrét Bjarnadóttir á venjulegum degi

Guðrún Ósk Guðjónsdóttir
Laugardaginn 22. ágúst 2020 09:30

Margrét Bjarnadóttir. Mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Margrét Bjarnadóttir, matreiðslumaður með meiru, trúir því að ef líkaminn er í góðu jafnvægi þá leiti hann í hollan og góðan mat. Hvað ætli hún borði á venjulegum degi?

„Það er í raun enginn venjulegur dagur hjá mér þessa stundina og enginn dagur eins. Ég er matreiðslumaður að mennt og vanalega fer mikill tími í vinnuna og dagarnir eru óreglulegir, en nú er ég í fæðingarorlofi,“ segir Margrét.

„Ég vil helst hafa marga bolta á lofti og er alltaf með eitthvert verkefni fyrir daginn. Ég ver miklum tíma með fjölskyldunni minni og þá helst yngstu systur minni sem heldur manni á tánum. Ég elska að hreyfa mig og er þá helst að lyfta og sækja tabata-tíma. Einnig hef ég mjög gaman af gönguferðum. Síðan fer seinni hluti dagsins oft í að ákveða kvöldmat, matreiða og verja tíma með fjölskyldu og vinum. Ég er mikil ugla og fer því mjög seint að sofa. Hef verið á leiðinni að hætta þeim slæma ávana síðustu 15 ár eða svo,“ segir Margrét.

Jafnvægi er lykillinn

Margrét fylgir engu sérstöku mataræði heldur leggur áherslu á jafnvægi. „Mér finnst best að vera skynsöm og hafa gott jafnvægi. Ég hef margoft prófað að fylgja matarprógrammi en mér líður einfaldlega best að borða það sem mig langar í hverju sinni,“ segir Margrét.

„Ég trúi því að ef líkaminn er í góðu jafnvægi þá leiti maður í hollan og góðan mat. Ég reyni að borða fjölbreytta fæðu og finnst gaman að smakka nýjan mat. Ég borða líka óhollt inn á milli eins flestir og á oftast súkkulaði og Haribo Clickmix heima,“ segir hún.

Margrét ver töluverðum tíma í eldhúsinu og þykir langskemmtilegast að elda asískan mat og prófa nýjar uppskriftir. „Í samkomubanninu prófaði ég mig aðeins áfram í súrdeigsbakstri og hafði mjög gaman af,“ segir Margrét.

Uppáhaldsmáltíð

„Það er mjög erfitt að velja eina máltíð. En sú máltíð sem ég hlakka alltaf til að borða eru rjúpur á jólunum með öllu tilheyrandi – finnst þá ómissandi að hafa Waldorfsalatið hennar ömmu með, með nóg af sérríi út í.“

Margrét Bjarnadóttir. Mynd/Anton Brink

Matseðill Margrétar

Morgunmatur:

Þegar ég á grænan banana þá fæ ég mér hann. Annars borða ég mjög sjaldan morgunmat.

Millimál nr. 1:

Grænn sjeik eða hrein ABT með múslí, höfrum og rúsínum.

Hádegismatur:

Fæ mér mjög oft mexíkóska ommelettu og avókadó. Svo fer ég stundum út að borða í hádeginu og finnst þá gott að fá mér fisk dagsins eða eitthvað annað spennandi.

Millimál nr. 2:

Finnst gott að fá mér ávöxt, þá helst appelsínu eða epli. En Snickers verður líka oft fyrir valinu…

Kvöldmatur:

Í sumar hef ég mikið verið að grilla pitsu. Annars er ég mjög reglulega með penang karrí eða annan asískan rétt. Svo þegar ég hef lítinn tíma finnst mér gott að henda í fajitas.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
09.06.2021

Vinsæll íþróttadrykkur víða ófáanlegur í íslenskum verslunum

Vinsæll íþróttadrykkur víða ófáanlegur í íslenskum verslunum
Matur
23.05.2021

Bubblurnar sem mælt er með – „Þetta er eins nálægt kampavíni og þú kemst, án þess að kaupa kampavín.“

Bubblurnar sem mælt er með – „Þetta er eins nálægt kampavíni og þú kemst, án þess að kaupa kampavín.“
Matur
30.04.2021

Besta ráðið til að fá karlmenn til að borða grænmeti – virkar líka á glúteinleysingja

Besta ráðið til að fá karlmenn til að borða grænmeti – virkar líka á glúteinleysingja
Matur
28.04.2021

Uppáhalds uppskriftir Berglindar Hreiðars – Nautalund, humar, kanilsnúðar og bestu núðlur í heimi

Uppáhalds uppskriftir Berglindar Hreiðars – Nautalund, humar, kanilsnúðar og bestu núðlur í heimi
Matur
21.04.2021

Listaspíruleyndarmál – 5 uppáhalds veitinga- og kaffistaðir Sögu

Listaspíruleyndarmál – 5 uppáhalds veitinga- og kaffistaðir Sögu
Matur
20.04.2021

Sóley spáir drykkjatrendum sumarsins – No&Low mjög vinsælt, hollari leið til að fá sér í glas

Sóley spáir drykkjatrendum sumarsins – No&Low mjög vinsælt, hollari leið til að fá sér í glas
Matur
10.04.2021

Una í eldhúsinu – Kjúklingaréttur með himneskri sósu

Una í eldhúsinu – Kjúklingaréttur með himneskri sósu
Matur
10.04.2021

Kristinn er maðurinn á bak við Soð – Þetta borðar hann á venjulegum degi

Kristinn er maðurinn á bak við Soð – Þetta borðar hann á venjulegum degi