Klassísk bomba frá Unu Guðmunds á Unabakar.is

Djöfulleg súkkulaðibomba með vanillurjóma

200 ml heitt vatn
6 msk. kakó, passið að sigta kakóið
100 g púðursykur
130 g smjör, mjúkt
100 g sykur
3 egg
220 g hveiti
½ tsk. lyftiduft
½ tsk. matarsódi
3 tsk. vanilludropar

Ofn hitaður í 180 gráður og 20-25 cm bökunarform húðað vel að innan með annað hvort PAM-úða eða smjörlíki.
Kakói og púðursykri blandað saman við heita vatnið. Smjör og sykur hrært saman þar til blandan verður ljós og létt í sér.
Þá er eggjunum bætt saman við  blönduna og öllu hrært vel saman. Því næst er restinni af þurrefnunum bætt út í.
Að lokum er vatninu sem búið var að blanda með sykri og kakói bætt út í og deiginu blandað vel saman.
Deiginu er svo hellt í bökunarform og botninn bakaður við 200 gráður í um 30-35 mínútur.
Passið að botninn kólni alveg áður en rjóminn er settur ofan á.

Vanillurjómi
1 peli rjómi, þeyttur
1 vanillustöng, skafið kornin úr og blandið saman við rjómann.

Smyrjið rjómanum á kökubotninn og skreytið með fallegum og góðum ávöxtum.