Álfhildur Ösp Reynisdóttir heldur úti vinsælu Instagram-síðunni Barnabitar. Þar deilir hún einföldum og ljúffengum uppskriftum og gefur foreldrum margar góðar hugmyndir um hvernig er hægt að koma hollri og fjölbreytti fæðu ofan í börnin.
https://www.instagram.com/p/B8qmskHgdJD/
Margir foreldrar vilja ekki gefa börnunum sínum súkkulaði um páskana, sérstaklega ef um er að ræða smábörn. Álfhildur er með lausn við því vandamáli og gefur margar góðar hugmyndir um hvað þau geta fengið í staðinn.
Álfhildur tekur tómt pappaegg, sem fæst til dæmis í Tiger, og fyllir það af alls konar hollu góðgæti og öðru sniðugu.
„Þetta er páskaegg dóttur minnar í ár. Í því er hafrastöng, rúsínur, peppa pig sokkar, snudda, leir, þurrkaðir ávextir, límmiðar og lítil Mía. Flest af þessu átti ég til nú þegar heima, en þegar þú ert tveggja ára þá hefurðu ekki hugmynd um það,“ segir hún.
https://www.instagram.com/p/B-rZnLMgsEk/
Hér eru fleiri hugmyndir um hvað þú getur sett í páskaeggið hjá barninu þínu. Álfhildur gaf DV góðfúslegt leyfi til að deila þeim áfram með lesendum.
