Fiskur getu svo sannarlega verið bragðlaus og leiðinleg máltíð – eða himneskt hnossgæti. Allt eftir hvað þú nennir. Og hér er hún komin – ein sú allra besta lax – eða silungs uppskrifts sem þú munnt bragða. Ekki láta þér bregða þó þú skælir smá!

Vinur minn sem gaf mér uppskriftina er smekkmaður mikill og má eiga það að þessi er stöngin inn.Ég bauð vinafólki mínu í mat fyrir skemmstu og smellti í þennan rétt og jafnvel þaulreyndur matreiðslumaður sem rekur einn vinsælasta veitingastað landsins sagði „,Má ég  fá meira?“.

Fyrir 4

1 kg lax eða silungur með roði
1 stór krukka fetaostur eða vænn kubbur
4 vorlaukar
1 búnt kóríander eða steinselja
Safi úr 1/2 límónu
1 tsk hunang
1 lúka spínat, saxað

Skolið og þerrið fiskinn.
Leggið hann á roðinu niður í eldfast mót.

Saxið vorlaukinn, spínat og ferska kryddið.
Setjið það í skál ásamt fetaostinum, límónusafanum og hunanginu. Stappið vel saman.

Teppaleggið fiskinn með ostablöndunni.

Bakið á 180 gr hita á grilli í 15 mínútur – misjafnt eftir þykkt fisksins.

Berið fram með fersku salati. smjörsteiktum sykrubaunum og sveppum og smælki.