Möndlur (ekki sælgætið) eru afar hollar og innihalda mikið af vítamínum og öðrum efnum sem tryggja heilbrigði. Vefsíðan Bright Side hefur tekið saman lista yfir það sem gerist í líkamanum ef þú borðar aðeins fjórar möndlur á dag, en auðvitað máttu borða fleiri.
Möndlur eru meðal fæðutegunda sem lækka slæma kólestórólið, ef kólestórólið er nú þegar hátt er mælt með að borða allt að þrjátíu möndlum á dag.
Möndlur innihalda nánast öll vítamín og steinefni sem þarf til að auka hárvöxt og styrk hársins. Í möndlum er til dæmis magnesíum og sink sem auka hárvöxt, E-vítamín sem gerir hárið sterkara og B-vítamín sem lætur hárið glansa.
Andoxunarefnin, einómettaða fitan, magnesíum og kopar sem finnst í möndlum styrkja hjartað og æðakerfið. Gott er að borða möndlur sem eru enn í hýðinu til að sporna við hjartasjúkdómum.
Möndlur eru stútfullar af mangan sem hjálpar til við framleiðslu kollagens, próteinsins á bak við húðlitinn okkar. E-víatmínið hjálpar einnig til við að sporna við öldrun húðar.
Í hýði mandlanna eru efni sem tryggja góða þarmaflóru. Ef viðkomandi er viðkvæmur í maga, þjáist til dæmis af magaverk eða meltingartruflunum er mælt með að borða allt að 35 möndlur á dag.
Rannsóknir hafa sýnt að þeir sem borða möndlur reglulega innbyrða færri kolvetni úr sætabrauði en þeir sem borða ekki möndlur. Möndlur koma ennig lagi á efnaskiptin, sem eykur líkur á þyngdartapi.
Fitusýrur og E-vítamín í möndlum bætir minnir. Þá getur regluleg neysla mandla einnig hægt á öldrun heilans.