Við elskum að finna nýja og spennandi sumarkokteila, en þennan freyðivínsþeyting fundum við á vefsíðunni Delish. Þetta er klárlega nýi, uppáhalds drykkurinn okkar!
Hráefni:
2 bollar freyðivín
1 1/2 bolli jarðarber, söxuð
1/4 bolli súraldinsafi
1/2 bolli vodka
ísmolar
mynta, til að skreyta með
Aðferð:
Setjið freyðivín, jarðarber, súraldinsafa og vodka í blandara. Setjið haug af ísmolum í blandarann þannig að hann sé hálffullur og blandið þar til þeytingurinn minnir á „slushy“ drykk. Deilið á milli glasa og skreytið með myntu.
