fbpx
Sunnudagur 21.júlí 2019  |
Matur

Tanja hannar vörur innblásnar af brauðtertum: „Mér finnst þessi réttur eiga skilið að vera í hávegum hafður“

Ragna Gestsdóttir
Föstudaginn 10. maí 2019 17:00

Tanja og brauðtertulínan Þvílík snilld fyrir brauðtertuunnendur

Ekki missa af Helstu tíðindum dagsins í pósthólfið þitt

Lesa nánar

Tanja Levý Guðmundsdóttir er 29 ára hönnuður með bakkalársgráðu í fatahönnun úr LHÍ og diplóma í textílhönnun frá Myndlistaskólanum í Reykjavík. Hún hefur hannað vörur sem fá innblástur frá brauðtertum, sem Tanja telur að eigi að vera titlaðar sem þjóðarréttur Íslendinga.

„Hugmyndin fæddist út frá samstarfsverkefni með góðvini mínum, listamanninum Loja Höskuldssyni. Við hönnuðum tillögu að landsliðsbúningum sem áttu að sameina íþróttir og listir. Fagurfræðin var innblásin af íslenskum raunveruleika á alls kyns máta en þaðan kom brauðtertan sem einkenndi sundfatnaðinn í línunni,“ segir Tanja, sem kann sjálf að gera brauðtertur og nýtur þess að skreyta þær. „En uppáhaldsbrauðterturnar mínar eru þær sem móðir mín og systur hennar gera fyrir fjölskylduveislur. Risastórar, alls konar tegundir! Þær eru svo fallegar og ég man eftir að frá því að ég var krakki fannst mér algjör synd að borða þær vegna þess að ég vildi bara dást að því hvað þær voru fallegar, algjör listaverk.“

Fegurð Brauðtertan nýtur sín vel í hvaða formi sem er

Tanja hefur hannað brauðtertusundbol, brauðtertuhandklæði og brauðtertueldhúsvörulínu. „Ég er svo með framhaldsverkefni í maganum sem ég vil framkvæma sem fyrst.“

Nýlega hefur brauðtertan rutt sér til rúms á samfélagsmiðlinum Facebook í hópnum Brauðtertufélag Erlu og Erlu, þar sem Tanja er einn meðlima. „Mér finnst þessi réttur alls ekki mega falla í gleymskunnar dá og eiga skilið að vera í hávegum hafður. Fyrir nokkrum árum var ég sjálf farin að sakna brauðtertunnar í fjölskylduveislum og mér fannst lítið bera á þeim í kringum mig.“ En hverjar eru ástæður vinsælda brauðtertunnar? „Ég tel að ástæðan fyrir því að brauðtertur eru svona vinsælar sé að flest okkar tengja þær við sérstök tilefni og minningar um fjölskyldusamkomu. Það má í raun segja að þær séu ákveðin táknmynd fyrir hina íslensku fjölskylduveislu. Ég á hvorki maka né börn en ég geri þær kröfur til framtíðarmaka míns að hann hafi dálæti á brauðtertum.“

Brauðtertuhandklæði Hver vill ekki þurrka kroppinn með þessari snilld?
Eldhúslínan Innblásin af brauðtertunni. Mynd: Helga Laufey Ásgeirsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

„Þeir sem voru að hafa áhyggjur af brotthvarfi Krispy Kreme geta núna andað léttar“

„Þeir sem voru að hafa áhyggjur af brotthvarfi Krispy Kreme geta núna andað léttar“
Matur
Fyrir 1 viku

Draumur Öldu Villiljóss rætist: „Ég er óendanlega þakklátt fyrir allan stuðninginn!“

Draumur Öldu Villiljóss rætist: „Ég er óendanlega þakklátt fyrir allan stuðninginn!“
Matur
Fyrir 1 viku

Ketó kanilsnúðar Bjarna töframanns: „Næstum því besta ketó snarl sem ég hef búið til“

Ketó kanilsnúðar Bjarna töframanns: „Næstum því besta ketó snarl sem ég hef búið til“
Matur
Fyrir 1 viku

Ketó nammið sem svalar sykurþörfinni: „Þetta er Snickers og Bounty í einum bita“

Ketó nammið sem svalar sykurþörfinni: „Þetta er Snickers og Bounty í einum bita“
Matur
Fyrir 2 vikum

Nautnaseggir athugið: Dásamleg brúnkaka með karamellu og saltkringlum

Nautnaseggir athugið: Dásamleg brúnkaka með karamellu og saltkringlum
Matur
Fyrir 2 vikum

Skotheldur prótein kaffisjeik til að byrja daginn

Skotheldur prótein kaffisjeik til að byrja daginn
Matur
Fyrir 2 vikum

Byrjaði að baka í kjallaranum – Rekur í dag sitt eigið bakarí og kökubúð: „Það hefur verið mikil vinna að komast hingað“

Byrjaði að baka í kjallaranum – Rekur í dag sitt eigið bakarí og kökubúð: „Það hefur verið mikil vinna að komast hingað“
Matur
Fyrir 3 vikum

Er kolsýrt vatn slæmt fyrir tennurnar?

Er kolsýrt vatn slæmt fyrir tennurnar?