Nú leikur veðurblíðan við landann og margir sem hafa dregið fram grillin af því tilefni. Hér er á ferð dásamleg uppskrift að balsamik sveppum sem svínvirka sem meðlæti með nánast hverju sem er, en uppskriftin birtist upprunalega á vef Delish.
Hráefni:
¼ bolli balsamik edik
2 msk. sojasósa
2 hvítlauksgeirar, smátt saxaðir
pipar
450 g sveppir, skornir í sneiðar
fersk steinselja, söxuð
Aðferð:
Blandið ediki, sojasósu, hvítlauk og pipar saman í stórri skál. Bætið sveppunum út í og marinerið í um 20 mínútur. Þræðið sveppi upp á grillspjót og grillið yfir meðalhita í 2 til 3 mínútur á hvorri hlið. Skreytið með steinselju og berið fram.
