Skittles er meðal vinsælasta sælgætis í heiminum en um er að ræða pillur í ýmsum litum sem allar hafa sitt sérstaka bragð. Forsvarsmenn Skittles ákváðu nýverið að setja af stað könnun á því hvaða litur af Skittles væri í uppáhaldi hjá Bandaríkjamönnum og einnig um Skittles-venjur neytenda. Í niðurstöðum, sem aðgengilegar eru á vef Skittles, kemur ýmislegt forvitnilegt í ljós.
Þriðjungur Bandaríkjamanna segja að rauða Skittles sé í uppáhaldi. Það er hins vegar gula Skittles-ið sem kemur verst út í könnuninni. Aðeins sex prósent Bandaríkjamanna segja að það sé í uppáhaldi hjá sér.
Í könnuninni kemur einnig fram að 72 prósent neytenda segjast borða ýmsa liti saman þegar þeir fá sér væna lúku af Skittles. 28 prósent aðspurðra borða aðeins eitt Skittles í einu. Þeir sem elska rautt Skittles, samkvæmt könnuninni, segjast frekar vera rómantískir og eru meiri líkur á að þeir séu í sambandi, frekar en þeir sem halda upp á aðra litli af Skittles. Þá eru þeir sem halda mest upp á appelsínugult Skittles líklegri til að svara smáskilaboðum frá vinum strax. Einnig kemur fram að þeir sem elska fjólublátt Skittles eru meiri einfarar en þeir sem elska hina litina.
Í niðurstöðunum kemur fram að einn af hverjum fimm rúlli Skittles í lófa sínum, líkt og teningum, áður en þeir borða sælgætið. Þeir sem geta látið stóran poka af Skittles endast í marga daga eru líklegri til að búa um rúmið á morgnana. Þeir eru einnig líklegri til að vera með fjármál heimilisins í lagi og skilgreina sig sem sparsama. Þeir sem borða Skittles eitt í einu eru líklegri til að yfirgefa teiti án þess að kveðja en þeir sem borða mörg Skittles í einu. Þeir sem borða eitt í einu eru smámunasamir og líklegri til hámgláps á sjónvarpsþáttum.
Hægt er að lesa frekar um niðurstöðurnar á heimasíðu Skittles.