Ásaknir um kynferðislegt ofbeldi hafa áður komið fram en blossuðu upp á nýjan leik nýlega þegar Steve Easterbrook, forstjóri fyrirtækisins, var rekinn fyrir að eiga í „óviðeigandi“ sambandi við undirmanns inn. Eastbrook hefur viðurkennt að hafa gert mistök en rétt er að hafa í huga að hann er ekki sakaður um kynferðisofbeldi.
Málið er nú notað sem nokkurskonar stökkbretti af hópi starfsmanna McDonald‘s í Michigan. Þeir hafa höfðað mál á hendur fyrirtækinu fyrir að stöðva ekki útbreitt kynferðisofbeldi á veitingahúsum keðjunnar um allan heim. Í stefnunni kemur fram að McDonald‘s hafi ekki neina stefnu um hvernig á að stöðva kynferðislega áreitni og ofbeldi og að yfirmönnum sé ekki kennt hvernig eigi að koma í veg fyrir slíkt. Einnig kemur fram að fyrirtækið ráðist á starfsmenn sem kvarta undan kynferðisofbeldi. Á síðustu þremur árum hafa starfsmenn McDonald‘s í Bandaríkjunum höfðað um 50 svipuð mál.
Starfsmennirnir í Michigan krefjast 5 milljóna dollara í bætur segir í umfjöllun New York Times.
