5 mínútna súkkulaði popp- og ávaxtaspjót
Nú þegar Ísland er að keppa í öllu mögulegu á komandi mánuðum er tilvalið að vera með skemmtilegt og einfalt gotterí á boðstólum fyrir dygga stuðningsmenn heima í stofu. Þessar uppskriftir henta öllum aldri og hægt að útfæra með og án sykurs allt eftir því hvaða súkkulaði verður fyrir valinu hverju sinni.
Súkkulaðipopp
1 poki poppkorn (ég kýs stjörnu- eða fitnesspopp, þá er það kalt og tilbúið hvenær sem er)
1 súkkulaðiplata að eigin vali
Nammi til að strá yfir poppið, M&M er sérlega vinsælt og litríkt.
Ég tek bökunarpappír og dreifi poppinu yfir örkina. Bræði súkkulaðið í örbylgjuofninum þar til það er alveg bráðnað. Set súkkulaðið yfir poppið þannig að myndist mjóar línur af súkkulaði á poppinu.
Set M&M yfir meðan súkkulaðið er ennþá volgt.
Leyfa þessu að kólna alveg og storkna. Setja í fallega skál og njóta! Fullkomið með Eurovision eða góðum landsleik.
Meðan ég er ennþá að vinna með bráðið súkkulaði er tilvalið að útbúa ávaxtaspjót með súkkulaðihúðuðum bananabitum.
Þetta slær alltaf í gegn og það má líka alveg sleppa súkkulaðinu og kökuskrautinu, það rennur líka ljúflega niður hjá öllum aldurshópum.
Bræði meira súkkulaði og set á bananabitana.
Meðan súkkulaðið er ennþá blautt dreifi ég kökuskrauti á bitana yfir skál svo minna fari til spillis.
Hægt að hafa ákveðinn lit á skrauti ef um þema er að ræða.
