Þessi uppskrift er fyrir sex til átta manns.
Hráefni:
1 rauðlaukur
2 pokar gulrætur
½ fennel
u.þ.b. 2 cm engifer
2 chilli
4 hvítlauksrif
1 lemongras
2 msk. tómatpúrra
1 tsk. rautt karrý paste
1 msk. túrmerik
2 dl hvítvín
1 L fiskisoð
500 ml rjómi
800 ml kókosmjólk
400 g lax
300 g hörpuskel
800 g risarækjur
kóríander og vorlaukur (má sleppa)
Aðferð:
Skerið niður rauðlauk og hvítlauk, chilli, engifer og fennel og steikið uppúr olíu við meðal háann hita þar til laukurinn er farinn að mýkjast.
Bætið við gulrótum og steikið áfram í um það bil 5 til 10 mínútur.
Bætið næst við tómatpúrru, karrý paste, túrmerik og lemongras og steikið allt saman í 5 mínútur í viðbót og bætið síðan við hvítvíninu og látið sjóða niður um um það bil helming og bætið síðan við fiskisoðinu.
Þegar þetta hefur allt fengið að sjóða vel saman er gott að bæta við rjómanum og kókosmjólkinni. Látið malla við vægan hita í allavegana 1 klukkustund.
Rétt áður en þið berið súpuna fram bætið sjávarréttunum útí og látið sjóða í um það bil 5 mínútur. Berið súpuna síðan fram með ferskum kóríander og vorlauk.
