Það er handhægt að grípa sér banana þegar mikið liggur við, en í einum banana eru sirka 95 kaloríur. Neyslu banana fylgja líka ýmsir kostir sem gera þennan ávöxt að fullkomnu millimáli.

Fullt af trefjum

Bananar eru mjög trefjaríkir sem gerir það að verkum að þeir fylla magann vel og lengi. Þess vegna er banani frábær kostur í morgunverð.

Góðir fyrir hjartað

Matvæli sem eru trefjarík, eins og bananar, minnka áhættu á hjarta- og æðasjúkdómum eins og kransæðastíflu.

Frábærir fyrir meltinguna

Bananar örva meltingarsafann í maganum og hjálpa því til við að halda meltingunni í góðu lagi.

Nóg af næringarefnum

Bananar innihalda ýmiss vítamín og steinefni, meðal annars ríbóflavín, fólat, kalsíum, magnesíum og kalíum. Þessi efni og fleiri til sem finnast í banönum halda líkamanum heilbrigðum.

Kalíum til bjargar

Talandi um kalíum, þá hjálpar það til við að halda hjartslætti reglulegum og blóðþrýstingi réttum megin við línuna. Þá hjálpar kalíum líka heilanum að vinna.

Kemur lagi á blóðþrýstinginn

Lítið salt er í banönum sem og mikið af kalíum og því er banani frábær fyrir þá sem glíma við háþrýsting.

Tilvalinn fyrir blóðlitla

Þeir sem eru blóðlitlir ættu að fá sér banana oftar þar sem þeir eru stútfullir af járni.