Framleiðslu- og þjónustufyrirtækið Zenus hefur um árabil séð Íslendingum fyrir góðum gluggatjöldum sem henta íslenskum aðstæðum. Nú hefur aukist við vöruframboð og í ljósi nýrra óboðinna sumarbústaðagesta býður verslunin nú upp á gott úrval af hágæða skordýranetum frá Luxaflex.
Starfsemi Zenus var upphaflega í bólstrun og framleiðslu húsgagna. „En árið 2014 byrjuðum við að bjóða upp á úrval gluggatjalda úr ýmsum efnum fyrir allar gerðir af gluggum. Stefna fyrirtækisins er að framleiða vandaðar vörur fyrir íslenskan markað. Dýrmæt reynsla og þekking starfsmanna hefur safnast saman á mörgum áratugum sem endurspeglast í traustum vinnubrögðum og faglegri þjónustu,“ segir Aðalheiður Dóra Þórólfsdóttir einn eigandi Zenus.
Aðalheiður, eða Heiða eins og hún er oftast kölluð, segir að það sé mikil og góð reynsla af skordýranetununum frá Luxaflex. „Skordýranetin eru ný vara hjá okkur, en ekki hjá birgjunum okkar úti í heimi sem hafa treyst lengi á þessi net, enda alveg nauðsynleg búbót í heitara loftslagi.
Það er reyndar gaman að segja frá því þegar við vorum að byrja með gluggatjöldin 2014, þá vorum við spurð hvort við hefðum áhuga á að bjóða upp á skordýranet líka. Við hlógum nú bara að því, sögðum að það væri svo lítið af skordýrum á Íslandi og því væri engin þörf á skordýranetum.
Það hefur heldur betur breyst núna eftir að hið hvimleiða lúsmý, einn leiðinlegasti sumarbústaðagestur landsins, gerði sér landsetur hér. Luxaflex er þó ekki eingöngu hentugt í sumarbústaðina enda eru skordýrin og frjókornin ekki bara þar.“
Luxaflex kemur í nokkrum týpum. Hægt er að fá þau í smellilausnum eða endanlegum lausnum sem má skrúfa fast í ramma. „Fólk gefur okkur málin á breidd og hæð á þeim stað þar sem netið á að fara, hvort sem það er yfir opnanlegt fag eða heilan glugga.“
Einnig er hægt að velja um hversu þéttriðið netið er. „Flest netin, fyrir utan Poll-tex® og ClearView, eru með með 7×6 möskva á fersentímetra og stærð holanna er 1,44 fermillimetra. Það er nóg til að halda flestum skordýrum frá nema lúsmýinu.
En reynslan hefur sýnt fram á að Poll-tex netið sé nógu þétt til að halda lúsmýinu úti sem og frjókornum, og hentar það því líka vel fyrir þau sem eru með frjókornaofnæmi. Poll-tex netið kemur í römmum er smellt í gluggann og auðvelt er að smella úr aftur.
Einnig eigum við rúllutjaldalausn sem má draga upp og niður eftir þörf. Svo eigum við líka hurðarlausn sem ætluð er fyrir stærri skordýr. Einn af mörgum kostum þessarar sérsniðnu lausnar er svo sú að það blæs vel loft inn um netið svo að á hlýjum sumarnóttum þarf ekki að fórna svefngæðum fyrir skordýralaust andrúmsloft,“ segir Heiða.
Flestar gerðir ramma fást í hvítum lit, drapplituðum, ljósgráu og steinkol (e. antracit). Að auki er hægt að panta allar lausnir, fyrir utan plíseraða rammalausn, í RAL lit gegn aukagjaldi. Hægt er að setja netin upp inni sem úti eftir þörfum. Fimm lausnir eru í boði:
„Á stöðum og tímabilum þar sem mikið er um frjókorn og skordýr mælum við með því að hafa netin uppi allan sólarhringinn, ekki bara í ljósaskiptunum eða á kvöldin. Síðan við byrjuðum að selja þessi net höfum við fengið frábær viðbrögð við þeim. Fólk er hæstánægt að fá loksins skordýralausn sem virkar, er endanleg og lítur líka vel út,“ segir Heiða.
Zenus býður, eins og áður segir, upp á úrval gluggatjaldalausna sem henta íslenskum aðstæðum vel. „Engin verkefni eru of lítil eða of stór fyrir Zenus. Með hækkandi sól þá verðum við að mæla með að fólk kíki til okkar með gluggatjaldalausnir. Rétt tegund af gluggatjöldum getur gert svo mikið fyrir rýmið og umhverfi. Þetta er ekki bara spurning um fegurð, þó hún sé auðvitað mikilvæg, heldur líka um vellíðan. Rétt tjöld geta hita- og kuldastýrt, bætt hljóðvist, gert rými notaleg og bætt lífsgæði til muna. Það er okkur öllum mjög í hag að búa til huggulegt og notendavænt umhverfi með okkar viðskiptavinum,“ segir Heiða að lokum.
