Íslendingar eru stöðugt að færa sig yfir í umhverfisvænni lífsstíl. „Við sjáum mikla fjölgun í búðinni með hverjum mánuði og ég fæ reglulega spurningar frá viðskiptavinum hvort það sé ekki að ganga vel. Fólk vill hafa þennan kost. Einnig finn ég fyrir mikilli eftirspurn hjá viðskiptavinum okkar eftir að geta keypt matvöru í lausu. Ég held að þeir sem eru eitthvað að hugsa í umhverfisvernd séu meira en tilbúnir að skipta plastumbúðunum sínum út og vilja í raun geta gert það á sem flestum sviðum lífsins,“ segir Melkorka María Brynjarsdóttir, verslunarstjóri Vistveru.
„Vinsælustu vörurnar okkar eru klárlega uppþvottaburstarnir, tannkremstöflurnar, sjampóin og Thinx nærbuxurnar. Skaftið á öllum uppþvottaburstunum okkar er úr viði og hárin úr plöntutrefjum eða hrosshárum. Ef burstinn endar í náttúrunni, brotnar hann því alveg niður. Tannkremstöflurnar eru framleiddar í samstarfi við tannlækna í Þýskalandi. Þær eru umbúðalausar og lausar við öll aukaefni. Annar kostur við töflurnar er að maður nær alltaf að nota allt tannkremið, en í hefðbundnum tannkremstúpum fara að meðaltali 11 grömm af tannkremi í ruslið hverju sinni sem næst ekki úr túpunni. Þar að auki er um 50% af innihaldi klassíska tannkremsins vatn. Sjampóin okkar eru flest í stykkjum en þau eru öll alveg laus við paraben, súlföt, SLS, þvagefni og annars konar aukaefni. Þetta er allt úr náttúrulegri sápu sem strípar ekki hárið af náttúrulegu olíum og fer vel með hárið, svo ekki sé á nefnt hvað stykkin endast ótrúlega lengi. Eitt sjampóstykki endist á við 2–4 sjampóbrúsa!“
Túrnærbuxur sem veita öryggi
Think túrnærbuxurnar verða sífellt vinsælli en um er að ræða byltingarkennda vöru sem er eins og dömubindi í nærbuxum. Hægt er að nota þær einar og sér eða með álfabikarnum eða túrtöppum. „Uppháhaldið mitt varðandi Thinx, fyrir utan að þær eru fjölnota, er að ég hef aldrei lent í því að það leki neitt framhjá þannig að þær veita mér mjög mikið öryggi.“
Umbúðarlausar vörur
Vistvera selur fjölda umbúðarlausra vara. Fólk kemur með eigin ílát, fyllir á og borgar eftir þyngd. „Við erum alltaf að bæta við úrvalið í áfyllingarvörum. Eins og er bjóðum við upp á tannkremstöflur, handsápu, uppþvottalög, grænsápu, edik, matarsóda, sjampó, hárnæringu, sturtusápu, þvottasápuflögur, andlitsolíu, andlitshreinsir, serum, næturkrem og verkjaolíu. Á næstunni munum við bjóða vörur frá Fill Ísland.“
Umhverfisvæn og hagkvæm lausn
Margir hafa heyrt af undravöru einni sem fæst hjá Vistveru. Um er að ræða náttúrulegar sápuskeljar sem koma í staðinn fyrir þvottaefni í þvottavélina. „Þetta er þurrkað aldin af plöntunni Sapindus Mukorossi sem vex á Indlandi og í Nepal og hefur verið notað þar í hundruð ára. Þú setur um fimm hnetur í lítinn bómullarpoka sem fer inn í tromluna með þvottinum. Skeljarnar leysa frá sér náttúrulega sápu sem þvær þvottinn. Hægt er að nota hvern umgang nokkrum sinnum, en fjöldi skipta fer eftir hitastigi. Sjálf þvæ ég allan minn þvott á 30°C og þá er hægt að nota umganginn í fimm vélar. Því hærra hitastig, því sjaldnar er hægt að nota umganginn. Ef þvegið er á 90 má nota umganginn einu sinni. Skeljarnar eru 100% náttúrulegar og brotna alveg niður í náttúrunni. Þær mega því fara í moltu, lífrænt rusl eða almennt rusl. Sápuhneturnar skila þvottinum lyktarlausum, sem margir sækjast eftir, en ef maður kýs að hafa ilm af þvottinum má bæta nokkrum dropum af ilmkjarnaolíu í skeljapokann. Við seljum skeljarnar í lausu en einnig í 1 kílós pokum sem duga að meðaltali í 480 þvotta og líka 500 gramma pokum sem duga í helmingi færri þvotta. Hér er augljóslega um að ræða afar umhverfisvæna og hagkvæma lausn.“
Nánari upplýsingar má nálgast á vefsíðunni vistvera.is
Vistvera er staðsett í Grímsbæ, Efstalandi 26, 108 Rvk.
Fylgstu með á Facebook: Vistvera
Instagram: Vistvera.is
Sími: 537-8478
