Vantar þig starfsmann með þekkingu og reynslu í því sem starfið felst í? Ert þú að hugsa um að byggja en veigrar þér við að hafa samband við múrara, pípulagningamann, arkitekt, smiði, og alla hina, og halda svo utan um þetta allt saman? Iceland Recruitment er starfsmannaþjónusta sem útvegar reynda starfsmenn með sérhæfða menntun til ráðningar. „Ég hef verið í starfsmannaþjónustubransanum síðan 2005 og fyrir fimm árum stofnaði ég Iceland Recruitment starfsmannaþjónustu,“ segir Alan Matthews, eigandi Iceland Recruitment.

Svið starfsmannaþjónustunnar Iceland Recruitment er tvíþætt. „Annars vegar erum við með geira innan þjónustunnar sem útvegar iðnaðarmenn fyrir byggingariðnaðinn. Hins vegar erum við með starfsmannaþjónustu sem útvegar starfsmenn fyrir ýmis önnur störf, hvort sem það eru starfsmenn í matvælaframleiðslu, grafískir hönnuðir, textahöfundar, sölumenn, vefsíðuhönnuðir eða hvaðeina.“

Ekki sóa tíma og fjármunum

Ef þú hefur hug á að byggja, stórt eða smátt, þá er einfalt að klára dæmið með því að hafa samband við Iceland Recruitment. „Við höfum það fyrir reglu að allir iðnaðarmenn okkar séu með tilskilin réttindi og menntun og minnst fimm ára reynslu. Starfsmenn okkar koma frá Bretlandseyjum og hafa allir ensku að móðurmáli. Það er ótrúlegt magn af tíma og fjármunum sem sóast þegar menn skilja ekki hver annan. Því er það skylda fyrir alla okkar starfsmenn að tala góða ensku. Einnig greiða allir okkar starfsmenn skattaiðgjöld í íslensk stéttafélög og lífeyrissjóði eins og íslenskir starfsbræður þeirra. Einnig borgum við öllum okkar starfsmönnum sanngjörn laun og erum jafnvel að borga hærri laun en margir aðrir. Við bjóðum notendafyrirtækjum okkar upp á fullkomið gagnsæi varðandi launagreiðslur starfsmanna.“

Gæði umfram magn

„Þessi bransi fer bara stækkandi enda síaukin þörf fyrir iðnaðarmenn og annað starfsfólk á vinnumarkaðnum til þess að sinna öllum þeim verkefnum sem fylgja nútímaþjóðfélagi. Við hjá Iceland Recruitment höfum alltaf einblínt á gæði frekar en magn og haft það fyrir reglu að starfsmenn okkar séu fyrsta flokks og kunni vel til verka. Enda hefur það sýnt sig að viðskiptavinir okkar eru hæstánægðir með fólkið okkar.“

Nánari upplýsingar má nálgast á icelandrecruitment.is

Ármúli 36, Reykjavík.

Sími: 522-7700

Netpóstur: alan@icelandrecruitment.is