Eyþór Rúnarsson matgæðingur, sjónvarpskokkur og yfirkokkur hjá Múlakaffi á heiðurinn af helgarmatseðlinum að þessu sinni sem er syndsamlega góður og á eftir að slá í gegn. Eyþór sviptir hulunni af uppáhalds rétt fjölskyldunnar sem allir matgæðingar eiga eftir að missa sig yfir.

Gaman er að geta þess að Eyþór heldur úti glæsilegri heimasíðu þar sem hann ljóstrar upp sínum uppskriftum. Þar eru meðal annars mikið af ljúffengum jólauppskriftum og hugmyndum af brönsréttum sem njóta mikilla vinsælda í dag. Hægt er að fara inn á heimasíðuna hans hér.

„Ég hef gaman að því að elda allan mat en þegar ég elda heima vill ég helst elda léttan mat á virkum dögum fisk og kjúkling. Um helgar er alltaf gaman að gera vel við sig með góðum pastarétti og steik ef að tími vinnst til. Svo skemmir ekki að hafa gott rauðvínsglas með,“ segir Eyþór.

Öll fjölskyldan hefur gaman að því að borða góðan mat og á sínar gæðastundir við matarborðið. „Uppáhaldsréttur fjölskyldunnar er einmitt Kjúklingamilanesið sem að ég er að gefa uppskriftina af. Það elska allir það bæði fullorðnir og öll börnin á heimilinu.“

Skatan á sínum stað á Þorláksmessu

Þessa dagana er mikið að gera hjá Eyþór enda styttist óðum í aðventuna og jólin eru handan við hornið. „Við hjá Múlakaffi erum að undirbúa jólamatseðlana þessa dagana. En við byrjum að afgreiða jólahlaðborðin og jólasmáréttina okkar 18. nóvember næstkomandi sem er bara í næstu viku. Annar er þetta búiða að vera mjög skemmtilegta haust hjá okkur með mikið af stórum og smáum veislum. Skatan verður á sínum stað á Þorláksmessu. Svo erum við mjög spennt fyrir Þorranum en það stefnir allt í met þorra hjá okkur á næsta ári,“ segir Eyþór og þakklátur fyrir að geta haldið í hefðir á eðlilegan hátt aftur.

„Gaman er að segja frá því að Múlakaffi var að opna nýjan hádegisverðarveitingastað á Höfðatorgi sem að heitir Intro en Bjarki Freyr fyrverandi yfirkokkur á Tapasbarnum til margra ára leiðir það verkefni og er að gera mjög skemmtilega hluti þar.“

Eyþór kann svo sannarlega að njóta þess á milli þegar hann er í vinnu og leyfir sér þá að fá sér góðan rétt og drykk. „Alltaf gott að fá sér góða steik eins og er hérna fyrir neðan með góðu rauðvínsglasi.“ Eyþór býður líka upp á þessa dýrindis steik sem enginn verður svikinn af, sjá hér: Nautasteik Eyþórs.

Hér kemur þessi syndsamlega góði sælkerahelgarmatseðill úr smiðju Eyþór sem þið eigið eftir að missa ykkur yfir.

Föstudagur – Dýrindis nautakinnar

Dýrindis nautakinnar að hætti Eyþórs

Laugardagur – Uppáhaldsréttur fjölskyldunnar – Kjúklingamilanese

Syndsamlega ljúffengt Kjúklingamilanese 

Sunnudagur – Bröns pitsa sem kitlar bragðlaukana

Brunch pizza með pestó eggjum pepperoni pylsum og kotasælusalati

Njótið vel og gleðilega helgi.